Publicashonnan
sugerencia y novedad:
Spe Salvi: Den speransa nos a wordo salba, asina san Pablo a bisa na e Romanonan y tambe na nos (Rm 8,24). Segun e fe cristian, e «Redencion», e salbacion, no ta simpelmente un dato di cosnan cu a cumpli cu nan. A ofrece nos e salbacion den e sentido cu a duna nos e speransa, un speransa cu bo por confia, danki na cua nos por enfrenta nos presente: maske cu e ta un presente cu ta cansa hende, un hende por biba y acepta cosnan si e ta hiba un meta, si nos por ta sigur di e meta aki y si e meta ta asina grandi cu e ta hustifica e esfuerso cu ta haci p'e...>>>
Urgencia di bon educacion: Mi kier a dirigi mi mes na boso cu e carta aki pa papia cu boso di un problema cu boso mes ta experimenta y den cua ta comprometi e diferente componentenan di nos Iglesia: e problema di e educacion. Nos tur ta preocupa profundamente pa e bienestar di nos sernan stima, specialmente di nos muchanan, adolescentenan y hobennan. Echo ta, cu nos sa cu di nan ta depende e futuro...>>>
Deus Caritas est: Dios ta amor, y esun cu ta permanece den amor, ta permanece den Dios y Dios den dje” (1 Jn 4, 16). E palabranan aki di e Prome carta di Huan ta expresa cu claridad remarcabel e curason di e fe cristian: e imagen cristian di Dios y tambe e imagen cu ta resulta di e humano y su caminda. Ademas den e mesun versiculo aki, Huan ta ofrece nos, un formulacion sintetico di e existencia cristiano: “Nos a conoce e amor cu Dios tin pa nos y nos a kere den dje”...>>>
Sacramentum Caritatis: E Sacramento di caridad (1), e Sagrado Eucaristia ta un don di Hesucristo cu el a haci di dje mes, revelando na nos e amor infinito di Dios pa cada homber y muhe. Den e admirabel Sacramento aki e amor (mas grandi) ta manifesta y esun cu ta inpulsa pa duna su bida pa su mes amigonan (cf Jn 15, 13). Di berdad Hesus a stima nan te na final (Jn 13,1)...>>>
Dies Domini: E dia di Señor -manera a yama e diadomingo desde temponan aposolico- (1) semper tawatin, den historia di Iglesia, un consideracion privilegia pa su bon relacion cu e nucleo mes di e misterio cristiano. Ta asina, cu diadomingo, ta recorda, den e sucesion di tempo di siman, e dia di resureccion di Cristo. E ta e Pasco di siman, riba cua ta celebra e victoria di Cristo riba e picanan y morto, e realisacion den dje di e prome creacion y e cuminsamento di e « creacion nobo »...>>>
Dominus Iesus: Prome cu Señor Hesus a subi bai shelo, El a duna su disipelnan e mandato pa anuncia e Evangelio na henter mundo y di batisa tur nacion: «Bai henter mundo y proclama e Evangelio na tur creacion. Esun cu kere y cu batisa lo ta salba; esun cu no kere, lo ta condena » (Mc 16,15-16). «Tur poder ta duna na Mi, den shelo y riba tera. Bai anto y haci tur hende disipel y batisa nan den nomber di Tata, Yiu y Spirito Santo, y siña nan warda tur loke mi a siña boso...>>>
Evangelii Nuntiandi: Sin duda e esfuerso di proclama Evangelio na tur hende di nos tempo, cu tin speransa, ma cu na mes tempo hopi biaha ta confundi dor di miedo y tristesa, ta un sirbishi na comunidad cristian y tambe na henter humanidad. Pa e motibo ei ta nos deber di fortalece e rumannan – e deber ei nos a ricibi di Señor hunto cu e tarea di sucesor di Pedro (1) y e ta pa nos un “preocupacion diario” (2), un programa di bida y accion, y un compromiso fundamental di nos pontificado – y ta parce nos mas noble y necesario ainda, ora cu nos ta encurasha nos rumannan den nan mision di evangelisador. Pa asina den e tempo aki di inseguridad y confusion nan por cumpli cu e tarea aki cu mas amor, fervor y alegria...>>>
muchu mas aki den documentonan:
muchu mas aki den documentonan: