Orashon

Laga Bo Angel, Señor, kompañá mi riba kamindanan di e dia aki. Laga mi sinti su alanan protektivo, tuma na kuenta su atvertensia i konsehonan.
O Señor, laga Bo Angel sea kompañero di mi kaminda, laga e sea guia pa mi pasonan i e brùg riba peligernan.
Huntu ku Bo Angel mi ta sali, Señor, konfiando ku e lo trese mi bèk liber di trompeká i kaidanan. Hasi mi tende su stèm i obedesé su inspirashonnan den e íntimo di mi konsenshi. Amèn.

          Unda ku mi bai, Señor, laga mi hiba Bo pas;
          Ken ku mi topa kuné, hasi mi instrumento di Bo ternura;
          Ken ku mi papia kuné, hasi mi un sembradó di speransa;
          Hasi mi iluminá tur kamindanan ku lus di amor i di pordon;
          Ku pasonan firme laga mi trese alivio, sosten i alegria.

Djis aki ratu lo mi topa hendenan riba kaya. Yuda mi rekonosé Bo kara den e kara di kada un di nan.
Den nan mi ke mustra Bo mi gratitut;
den nan mi ke ofresé Bo mi amor;
den nan mi ke topa ku Bo. Amèn.