Orashon

Aseptá, Señor, mi trabou komo un ofrenda na Bo honor i gloria i komo un sakrifisio pa bienestar di mi famia. Ku kada aktividat mi ke alabá Bo, Señor, i ku responsabilidat i entrega mi ke proklamá:
Ku ta yu di Dios mi ta, i ku ta Abo ta Esun ku ta aktuá pa medio di mi;
Ku ta di Bo mi a haña inteligensia, man fuerte i pia sèmper kla, no pa malgastá nan, sino pa usa nan pa bienestar di humanidat, pa mirando mi entrega i pasenshi hende alabá Bo, Señor. Amèn.
Maske awor aki lo mi konsentrá mi den mi trabou, Señor, i mi pensamentu lo keda apsorbé pa lokual mi tin ku hasi, aseptá mi aktividat i kambi’é na un sakrifisio sinsero di mi alma.
          Mare kada esfuerso sea manera konfeshon di mi amor pa Bo i pa mi próhimo;
          Kada gota di mi sodó sea manera un pèrla pa dòrna e mundu presioso aki ku Bo a krea pa nos;
          Kada doló sea manera un Salmo pidiendo Bo miserikòrdia pa mi i pa henter humanidat. Amèn.