Orashon

Danki, Señor, pa e oranan aki di trabou. Di dje mi ta biba i kuné mi ta mantené mi famia. Abo ta e promé Doño di mi trabou. Di Bo mi ta haña salú i forsa, Abo ta Esun ku ta lusa mi sintí, Esun ku kada bes ta habri un dia nobo mi dilanti.

Fortalesé mi, Señor, ku Bo grasia pa mi por kumpli responsablemente ku lokual a keda enkargá na mi. Drama Bo bendishon riba tur esnan ku awor aki ta traha, pa nos tur por kumpli ku e mishon di konstruí un mundu di hustisia, di amor i pas, kumpliendo kada ken ku su vokashon i responsabilidat, sakrifikando e oranan largu i ofresiendo pa e kousa aki tur nos kapasidat i talentonan.

Señor, Abo ta e promé Obrero, pasobra t’Abo a traha e mundu maravioso aki huntu ku nos aden. Yuda mi di no mira plaka so, sino motivá ku e mesun amor, kontinuá e obra ku Bo man a kuminsá.

Semper i tur kaminda, tambe den e trabou aki, mi ke ta Bo instrumento Señor. Amèn.