Orashon

Laga mi soña, Señor,
ku mundu a drecha,
ku pobernan no tin hamber mas,
ku pa esnan desesperá portanan hanchu di speransa a habri,
ku gueranan a kaba pa semper,
ku hendenan ta brasa otro, pordoná otro i ta duna otro man.
Laga mi soña
ku siegunan a haña bista,
ku kohonan ta kore manera kabritu den mondinan di un bida nobo,
ku tur trampa a kibra, tur kadena a kai.
Laga mi soña ku Bo Reino a yega, Señor. Anto ora e dia nobo  habri i kanto alegre di paranan lo spièrtá mi, no laga mi keda desapuntá sino mas bien  demonstrá mundu ku dia pa dia Bo Reino ta mas serka.
Durante dia mi pensamentu tabata semper ku mi famia, mi mannan tabata traha pa yud’é, mi kurason tabata ansha pa mir’é felis, mi tempu tabata manera un sakrifisio pa su bienestar.
Awor soño lo sera mi wowonan i den e oranan largu di anochi mi pensamentu lo ta ousente, mi kurpa indefenso, inkapas pa protehá esnan ku mi ta stima.
Señor, laga Bo Angelnan for di shelu protehá e soño di mi famia i esun di mi, laga nan keda banda di kama te ora e promé rayonan di solo lo habri nos wowonan, pa bolbe kana huntu den amor i pas.