Miserikòrdia Dibino, ku ta brota di seno di Dios, den Bo nos ta konfia.
Miserikòrdia Dibino, misterio inkomprendibel,...
Miserikòrdia Dibino, fòntein ku ta brota dor di misterio di e Trinidad,...
Miserikòrdia Dibino, ku ningun mente humano ni angeliko por komprendé,
Miserikòrdia Dibino, dor di kual ta bini tur bida i felisidat,
Miserikòrdia Dibino, mas sublime ku shelu,
Miserikòrdia Dibino, manantial di gran maravianan,
Miserikòrdia Dibino, ku ta brasa henter universo,
Miserikòrdia Dibino, ku ta bini den e persona di e Verbo Enkarná,
Miserikòrdia Dibino, ku ta brota di e yaga habrí di Kurason di Hesus,
Miserikòrdia Dibino, kontené den e kurason di Hesus pa nos tur i speshalmente pa esnan mas pekador,
Miserikòrdia Dibino, misterioso den Eukaristia,
Miserikòrdia Dibino, ku a instituí e Sakramento di Boutismo,
Miserikòrdia Dibino, ku a hustifiká nos dor di Hesukristu,
Miserikòrdia Dibino, ku ta kompañá nos durante nos bida henter,
Miserikòrdia Dibino, ku ta brasa nos speshalmente na ora di morto,
Miserikòrdia Dibino, ku ta duna nos bida eterno,
Miserikòrdia Dibino, ku ta kompañá nos den kada instante di nos eksistensia,
Miserikòrdia Dibino, ku ta protehá nos di kandela di fièrnu,
Miserikòrdia Dibino, ku ta konvertí e pekadornan enduresí,
Miserikòrdia Dibino, maravia pa angelnan,
Miserikòrdia Dibino, inkomprendibel pa santunan,
Miserikòrdia Dibino, presente den tur e misterionan Dibino,
Miserikòrdia Dibino, ku ta reskatá nos di tur miseria,
Miserikòrdia Dibino, fòntein di tur nos alegria,
Miserikòrdia Dibino, ku di e nada a yama nos na bida,
Miserikòrdia Dibino, ku ta abarká tur e obranan di Bo mannan,
Miserikòrdia Dibino, ku ta korona di tur lokual ta eksistí i di tur lokual ta bai eksistí,
Miserikòrdia Dibino, den kual nos ta sumergí nos mes,
Miserikòrdia Dibino, amabel konsuelo di kurasonnan flihí,
Miserikòrdia Dibino, úniko speransa di desesperadonan,
Miserikòrdia Dibino, den kual kurasonnan ta sosegá i esunnan temeroso ta haña pas,
Miserikòrdia Dibino, delisia i ekstasis di e santunan,
Miserikòrdia Dibino, ku ta inspirá speransa kontra tur speransa.
Tata Eterno, Bo miserikòrdia ta infinito i Bo tesoro di kompashon no ta kaba nunka, mira nos ku bondat i multipliká Bo miserikòrdia, yuda nos, pa den nos momentonan difísil, e animo lo no falta nos i pa nos no pèrdè speransa, sino ku nos lo someté nos mes ku konfiansa total na Bo Santo Boluntat, ku ta Amor i Miserikòrdia. Amèn.
Oracion di 3'or di atardi >>