Ta parce cu Dios a dicta palabra pa palabra,
pero no t'asina !
Dios ta e autor di Beibel. Spirito Santo a inspira cada un di e bukinan di Beibel. Pero tabata hende cu a transmiti inspirashon di Dios cu nan propio palabranan, condishona cu epoca, cultura y lenga di cada un di nan.
Den esnan cu a duna nan propio palabra pa laga conoce loke Dios a inspira den nan, tabatin hendenan di diferente educashon y diferente ambiente. Algun di nan tabata hende intelectual manera sacerdotenan y historiadornan, tabatin poëtanan, como tambe hende di guera, hende simpel di cunucu of piscado. Cada un segun su propio expreshonnan, tuma for di su ambiente of su talento, tabata scirbi pa trece dilanti loke nan a sinti como inspirashon di Dios y loke a keda reconoci como tal pa humanidad.
Durante mas cu 1400 aña tabatin mas cu 40 persona cu a keda escohi a transmiti mensahe di Dios.
Nan a hasi'e bou di diferente forma literario, entre otro: como cuenta, drama, cantica, poesia of historia.
Ta hopi importante pa sa, ta cua ta e genero literario di cada buki pa por comprond'e corectamente.