“Canta y celebra Senjor den boso curazonan, recitando entre bosonan psalmonan, himnonan y canticonan spiritual” (Ef.5,19)
Con nos tin cu interpreta e palabranan aki? E por nifica cu ora bo ta yen di Spiritu Santo, bo tin cu canta cu bo boca y cu bo curazon? Of, wel, por ta cu, ora cu bo kier ta yen di Spiritu Santo bo tin cu cuminsa canta? E hecho di canta cu boca y curazon, manera e apostel ta menciona, e ta consecuencia di e hecho di ta yen di Spiritu Santo, of e ta un manera pa yega na e estado ei?
E no ta den nos poder provoca den nos paden e binimentu di Spiritu Santo. Esei ta depende unicamente di e boluntad di Spiritu Santo mes. Anto ora cu E yega y drenta den nos, e ta anima nos esferanan i capasidadnan di nos mes spiritu, pa e canticanan por brota espontaneamente pa Dios. Nos no tin ningun otro opcion, cu dicidi si nos ta bay canta den silencio, den paden di nos curazon, of si nos ta bay haciele cu nos stem, pa nos tur scucha otro...