E sentimento cu bo ta experimenta pa Dios, aunke e no ta wordu acompaná pa palabra, e ta un Orashon. Palabra tei pa sostene y pa profundiza e sentimento.
E DON DI SENTIMENTO
Conserva cu cuidao e don di sentimento cu bo a hanja pa misericordia di Dios. Con bo ta hasi esaki? Na prome luga door di humildad. Pa medio di humildad bo ta atribui tur gracia na Dios y nada na bo mes. Na momento cu bo confia den bo mes,en bez di den Dios, e gracia den bo ta bira mas poco. Si bo no recupera bo mes e ta stop di obra den bo completamente y e unico cos cu ta kedabo ta keha y yora. Por lo tanto considera bo mes poeiro y stof: keda den e gracia di Dios y no boltu bo curazon ni pensamento .na nada otro. Keda semper cu y den Señor. Si e vlam den bo p’aden cuminza debilita un poco, hasi mes ora tur bo esfuerzo pa e lanta back. Señor ta cerca. Si bo dirigi bo mes na djE cu temor y contricion, inmediatamente lo bo ricibi Su donnan.