8: "wijs": kisas un melodia for di Filistea, of un harpa.
8:1: E "Nomber" dibino ta permiti e creyente for di ora cu e por pronunci'E, pa participa na gloria di SEÑOR (comp. v.5). Trahá segun imagen di Dios, e hende ta asocia na su soberania (comp. Sal 20:1; 54:1.6; Isa 63:17). Sin duda e tema aki a crea un laso entre e Salmo aki cu esun anterior.
8:2: "yiu na lechi": Cristo a menciona e texto aki, ora muchanan tabata aclama su triunfo dia di Rama. Liturgia ta usa esey pa celebra testimonio di e Inocentenan santo: comp. Mat 2:16; 21:16).
8:2: "bo poder": manera na Prov 18:10, etc. E nomber dibino ta core cu tur dios falso y ta revela e unico Dios, SEÑOR: comp. Ex 3:14.
8:5: "dios": e autor ta pensa riba sernan misterioso cu ta forma e corte di SEÑOR (Sal 29:1), e "angelnan" den texto Griego y Latin. Comp. Sal 45:7; Tob 5:4.
Originalmente Salmo 9-10 no tabata forma un solo Salmo (manera na Griego y Latin). E Salmo ta "alfabetico" (comp. Prov 31:10), ma na varios letter di e texto, cu nos tin y cu ta den mal estado, ta falta palabra.
pa bai siguiente>>