San Hosemaria Escriva De Balaguer
«E Fundador di Opus Dei a recorda cu e universalidad di e yamada na e plenitud di e union cu Cristo ta comporta tambe cu cualke actividad humano por comberti su mes den e lugar di encuentro cu Dios. (...) E tawata un autentico maestro di bida cristian y e tawata sa di alcansa e topnan di e contemplacion cu e oracion continuo, e mortificacion constante, e esfuerzo di tur dia di un trabou cumpli cu docilidad ehemplar segun e mocionnan di e Espiritu Santo, cu e fin di sirbi e Iglesia manera cu e ta desea di ta sirbi».
(Di e Breve Apostolico di Beatificacion di Hosemaria Ecriva de Balaguer, Sacerdote, Fundador di Opus Dei).
Un hogar luminoso y alegre
A nace na Barbastro (Spaña), riba 9 di januari di 1902, e ta e di dos yiu di e seis yiunan cu Hose Escriva y Maria Dolores Albas tawata tin. Su mayornan, catoliconan ferviente, a bautis'e riba 13 di e mesun luna y aña, y nan a transmitie -na prome lugar, cu un bida ehemplar- e fundamentonan di e fe y e birtudnan cristian: e amor pa e Confesion y pa e Comunion frecuente, e recurso confia na e oracion, e debocion na e Birgen Santisima, e ayudo na esnan mas necesita.
San Hosemaria a crece un mucha alegre, spierto y simpel, travieso, bon studiante, inteligente y observador. E tawata tin hopi cariño pa su mama y un gran confianza y amistad cu su tata, ken tawata invit'e na habri su curazon na dje cu libertad y pa cont'e su preocupacionnan, dor di ta semper disponibel pa contesta su consultanan cu afecto y prudencia. Hopi lihe, e Señor ta cuminsa templa su alma den forma di e dolor: entre 1910 y 1913 su tres ruman muhernan mas chikito ta muri, y na 1914 e famia ta experimenta, ademas, e ruina economico. Na 1915, e Escrivanan ta traslada pa Logroño, na unda e tata a haña un trabou cu ta permitie sostene modestamente su famia.
Den e invierno (winter) di 1917-18 ta tuma lugar un echo cu ta influencia decisivamente e futuro de Hosemaria Escriva: durante e epoca di Pasco di Nacemento, un sneu intenso ta cai riba e ciudad, y un dia e ta weita na suelo e huellanan (marcanan) gevries di un par di pia den e sneu; ta e pasonan di un religioso carmelita cu tawata cana pia abou. E ora e ta puntra: Si otronan ta haci tanto sacrificionan pa Dios y p'e prohimo, lo mi no ta capaz di ofrec'e algo? Di e forma aki, ta surgi den su alma un inkietud dibino: E la cuminsa na presenti e Amor, na hiba cuenta di cu e curazon tawata pidie algo grandi y cu ta amor. Sin sa ainda cu precision kico e Señor ta pidie, e ta dicidi di bira sacerdote, pasobra e ta pensa cu di e forma ei e lo ta mas disponibel pa cumpli e boluntad dibino.
E ordenacion sacerdotal
Despues di caba su Bachillerato (scol secundario), e ta cuminsa su estudionan eclesiastico na e Seminario di Logroño y, na 1920, e ta drenta esun di Zaragoza, na unda na e Universidad Pontificia e ta completa su formacion di sacerdote. Na e capital aragones e tambe e ta bai les -riba sugerencia de su tata y cu permiso di e superiornan eclesiastico- e carrera universitario di Derecho. Su caracter generoso y alegre, su senciyez y serenidad ta haci cu e ta hopi stima entre su compañeronan. Su dedicacion na e bida di piedad, na e disciplina y na e estudio ta sirbi di ehempel pa tur e seminaristanan, y den 1922, ora cu solamente e tawata tin binti aña, e Arzobispo di Zaragoza a nombr'e Inspector di e Seminario.
Durante di e periodo ei e ta pasa hopi oranan rezando dilanti e Señor Sacramentado -cu su rais hinca hundo den su bida interior den e Eucaristia- y e ta acudi diariamente na e Basilica di Pilar, pa pidi e Birgen cu Dios por mustr'e kico e kier di dje: Desde cu e tawata sinti e presentimentonan ei di amor di Dios -e ta afirma riba 2 de october di 1968-, den lo poco cu mi ta mi a busca pa realisa lo ke El tawata spera di e pober instrumento aki. (...) Y, entre e anshanan ei, mi tawata reza, reza, reza den oracion continuo. Mi no tawata stop di ripiti: Domine, ut sit!, Domine, ut videam!, manera e pobrecito di e Evangelio, cu ta suplica pasobra Dios por tur cos. ¡Señor, cu ta weita! ¡Señor, cu ta! Y tambe e tawata repeti, (...) yen di confianza na mi Mama di Shelo: Domina, ut sit!, Domina, ut videam! E Santisima Birgen semper a yuda mi descubri e deseonan di su Yiu.
Riba 27 di november di 1924 don Hose Escriva ta fayece, victima di un atake repentino. Riba 28 di mart di 1925, Hosemaria ta ordena como sacerdote pa Mons. Miguel de los Santos Diaz Gomara, den e iglesia di e Seminario di San Carlos di Zaragoza, y dos dia despues e ta celebra su prome Misa solemn den e Santa Capilla di e Basilica di Pilar; e 31 di e mesun luna, e ta bai na Perdiguera, un pueblo chikito di campesinonan, na unda el a keda nombra administrador auxiliar di e parokia.
Na april di 1927, cu e bendicion di e Arzobispo, e ta bai biba na Madrid pa realiza e doctorado den Derecho Civil, cu e tempo ei solamente e por a haña na e Universidad Central di e capital di Spaña. Aki, su interes apostolico ta pone pronto den contacto cu hendenan di tur ambiente di e sociedad: estudiantenan, artistanan, obreronan, intelectualnan, sacerdotenan. Den particular, e ta entrega su mes sin descanso na e muchanan, enfermonan y pobernan di e barionan periferico (margina).
Na mes momento, e ta mantene su mama y rumannan dunando lesnan den materianan (temanan) huridico. Ta temponan di gran dificultad economico, biba dor di henter e famia cu dignidad y bon animo. E Señor ta bendicion'e cu gracianan abundante di caracter extraordinario cu, dor di haña den su alma generoso un tereno fertil, nan ta produci frutonan abundante di servicio na e Iglesia y na e almanan.
Fundacion di Opus Dei
Riba 2 di october di 1928 ta nace Opus Dei. San Hosemaria tawata realizando algun dia di retiro spiritual, y mientras e tawata medita riba e apuntenan di e mocionnan interior ricibi for di Dios den e ultimo añanan, diripente e ta weita -ta e termino cu cual e ta describi semper e experiencia fundacional- e mision cu e Señor kier confia na dje: habri den e Iglesia un caminda vocacional nobo, dirigi na difundi e buskeda di e santidad y e realizacion di e apostolado dor di e santificacion di e trabou ordinario mei mei di e mundo sin cambia di estado. Poco luna despues, riba 14 di februari di 1930, e Señor ta hacie compronde cu Opus Dei tambe mester keda extendi entre e muhernan.
Desde e momento ei, San Hosemaria ta entrega su mes den curpa y alma n'e cumplimento di su mision fundacional: promove entre homber y muhernan di tur e ambitonan di e sociedad un compromiso personal di siguimento di Cristo, di amor pa e prohimo, di buskeda di e santidad den e bida di tur dia. E no ta considera su mes un innovador ni un reformador, pues e ta convenci cu Hesucristo ta e eterno novedad y di cu e Spiritu Santo ta rehubenece continuamente e Iglesia, na cual servicio Dios a lanta e Opus Dei. Cu e conocimento cu e tarea cu a keda encomenda na dje ta di caracter sobrenatural, e ta hinca e fundeshi di su labor den oracion, den e penitencia, den e consenshi gozoso di e filiacion dibino, den e trabou incansabel. Personanan di tur condicion social ta cuminsa siguie y, den particular, gruponan di universitarionan, den kennan e ta spierta un necesidad sincero di sirbi nan rumannan, e hombernan, dor di cende den nan e deseo di pone Cristo den e centro di tur e actividadnan humano dor di un trabou santifica, santificante y santificador. Esaki ta e meta cu e ta asigna na e iniciativanan di e fielnan di Opus Dei: eleva na Dios, cu e yudanza di e gracia, cada un di e realidadnan crea, pa cu Cristo reina den tur hende y den tur cos; conoce Hesucristo; laga otronan sera conoci cu n'e; hib'e tur caminda. Por compronde asina cu por a sclama: Cu e camindanan dibino na tera a habri.
Expansion apostolico
Na 1933, e ta promove un Academia universitario pasobra e ta compronde cu e mundo di ciencia y di cultura ta un punto neuralgico (di dolor y continuidad) pa e evangelizacion di henter e sociedad. Na 1934 e ta publica -cu e titulo di Consideracionnan espiritual- e prome edicion di Caminda, buki di spiritualidad di cual te awor a difundi mas di cuatro miyon y mei di ehemplar, cu 372 edicionnan, den 44 idioma.
Na 1936, Opus Dei ta haciendo su prome pasonan ora cu e guerra civil spaño ta cuminsa. Na Madrid e violencia antireligioso ta aumenta, pero don Hosemaria, a pesar di e riesgonan, e ta excede su mes heroicamente den oracion, den e penitencia y den e apostolado. Ta un epoca di sufrimiento pa e Iglesia; pero tambe ta añanan di crecimento spiritual y apostolico y di fortalecimento di e speranza. Na 1939, ora cu e conflicto a caba, e Fundador di Opus Dei por duna un impulso nobo na su labor apostolico pa henter e geografia di e peninsula, y e ta moviliza specialmente hopi hobennan universitario pa nan hiba Cristo na tur e ambientenan y pa nan descubri e grandeza di su vocacion cristian. Na mesun momento su fama di santidad ta extende: hopi Obisponan ta invit'e pa predica cursonan di retiro na e clero y na e laiconan di e organizacionnan catolico. Peticionnan analoga ta yega di e superiornan di diferente ordonan religioso y e semper ta accede.
Na 1941, mientras e tawata predicando un curso di retiro na sacerdotenan di Lerida, su mama ta fayece, kende a yuda tanto den e apostoladonan di Opus Dei. E Señor ta permiti tambe cu incomprensionnan duro ta desencadena rond di su persona. E Obispo di Madrid, S.E. Mons. Eijo y Garay, ta brind'e su apoyo mas sincero y ta concede e prome aprobacion canonico di Opus Dei. San Hosemaria ta maneha e dificultadnan cu oracion y bon humor, consciente di cu «tur esnan cu kier biba piadosamente den Cristo Hesus lo wordo persigui» (2 Tm 3,12), y e ta recomenda su yiunan spiritual cu, dilanti e ofensanan, nan mester forsa nan mes den pordona y lubida: keda keto, reza, traha y sonrei (smile).
Na 1943, pa un gracia fundacional nobo cu e ta ricibi durante e celebracion di e Misa, ta nace -den Opus Dei- e Sociedad Sacerdotal di e Santa Cruz, den cua e sacerdotenan cu ta bin di e fielnan laico di Opus Dei por a keda vincula permanentemente. E pertenencia pleno di e fielnan laico y di e sacerdotenan na Opus Dei, asina manera e cooperacion organico di un ke otro den nan apostolado, ta un rasgo propio di e carisma fundacional, cu e Iglesia a confirma na 1982, ora cu el a determina su configuracion huridico definitivo manera e Prelatura (cargo di Prelado) personal. Riba 25 di juni di 1944 tres ingeniero -entre nan Alvaro del Portillo, futuro sucesor di e Fundador den e direccion di Opus Dei- ta ricibi e ordenacion sacerdotal. Tras di otro, nan ta casi un miyar di laiconan di Opus Dei ken San Hosenaria lo hiba na bira sacerdote.
E Sociedad Sacerdotal di e Santa Cruz -uni intrinsecamente na e Prelatura di Opus Dei- ta desaroya tambe, den pleno sintonia cu e Pastornan di e Iglesianan local, actividadnan di formacion spiritual pa sacerdotenan diocesano y candidatonan pa sacerdocio. E sacerdotenan diocesano tambe por forma parti di e Sociedad Sacerdotal di e Santa Cruz, manteniendo sin altera su pertenencia na e clero di e respectivo diocesis.
Spirito romano y universal
Apenas e fin di e guera mundial ta na bista, cu San Hosemaria ta cuminsa prepara e trabou apostolico den otro paisnan, pasobra -e ta insisti- Hesus kier su Obra for di e prome momento cu lombrishi universal, catolico. Na 1946 e ta muda pa Roma, cu e meta di prepara e reconocimiento pontificio di Opus Dei. Riba 24 di februari di 1947, Pio XII ta conced'e e decretum laudis; y riba 16 di juni di 1950, e aprobacion definitivo. For di e fecha ei, tambe ta admiti como Cooperadores di Opus Dei homber y muhernan no catolico y como tambe no cristiano, cu ta yuda cu su trabou, su limosna y su oracion na e trabounan apostolico.
E sede central di Opus Dei ta keda stableci na Roma, pa haci ainda mas cla di forma mas tangible e aspiracion cu ta informa tur su trabao: sirbi e Iglesia manera e Iglesia kier ta sirbi, den union estrecho na e catedra di Pedro y na e herarkia eclesiastico. Den diferente ocasion, Pio XII y Huan XXIII ta haci manifestacion di afecto y di stimacion; Pablo VI ta scirbie den 1964 definiendo Opus Dei como «expresion bibo di e eterno hubentud di e Iglesia».
Tambe e etapa aki di e bida di e Fundador di Opus Dei ta caracteriza pa tur tipo di pruebanan: na su salud cu ta keda afecta pa tanto sufrimiento (e ta sufri di un forma grave di diabetes durante mas di diez aña: te cu 1954, ora cu e ta cura milagrosamente), hunto cu esaki ta bin tambe e dificultadnan economico y esunnan relaciona cu e expansion di e apostoladonan pa henter mundo. Sin embargo, su semblante semper ta rebosa di alegria, pasobra e berdadero birtud no ta tristo y antipatico, sino amabelmente alegre. Su permanente bon humor ta un continuo testimonio di amor incondiciona na e boluntad di Dios.
E mundo ta hopi chikito, ora e Amor ta grandi: e deseo pa yena e tera cu e luz di Cristo ta hib'e na acohe e yamadanan di cantidad di Obisponan cu, for di tur parti di mundo, nan ta pidi e yudanza di e apostoladonan di Opus Dei pa e evangelizacion. Ta surgi proyectonan masha varia: scolnan di formacion profesional, centronan di capacitacion pa campesinonan, universidadnan, scolnan, hospitalnan y clinicanan medico, etc. E actividadnan aki -un lama sin canto, manera e ta gusta ripiti-, fruto di e iniciativa di cristiannan comun cu ta desea na atend'e, cu mentalidad di laico y sentido profesional, e necesidadnan concreto di un lugar determina, ta habri na personanan di tur e razanan, religionnan y condicionnan social, pasobra e identidad cristian cla ta compagina semper cu un profundo respet na e libertad di e consenshinan.
Na momento cu Huan XXIII ta anuncia e convocatoria di un Concilio Ecumenico, e ta cuminsa reza y na haci e otronan reza pa e feliz exito di e gran iniciativa ei cu ta e Concilio Ecumenico Vaticano II, manera e ta scirbi den un carta di 1962. Den e sesionnan ei, e Magisterio solemne ta confirma aspectonan fundamental di e spirito di Opus Dei: e yamada universal na e santidad; e trabou profesional como medio di santidad y apostolado; e balor y e limitenan legitimo di e libertad di e cristian den e cuestionnan temporal, e Santa Misa como centro y raiz di e bida interior, etc. San Hosemaria ta topa cu cantidad di Padernan uni y experto, cu ta weita den dje un precursor autentico di hopi di e lineanan maestra di Vaticano II. Profundamente identifica cu e doctrina conciliar, e ta promove diligentemente su ponemento den practica dor di e actividadnan formativo di Opus Dei den henter mundo.
Santidad mei mei di mundo
Di leu -aya, den e horizonte- e shelo ta uni cu e tera. Pero no lubida cu na unda bo mira e tera y e shelo uni cu otro ta den bo curazon di yiu di Dios. E predicacion de San Hosemaria ta mustra constantemente e primacia di e bida interior riba e actividad organizativa: E crisisnan mundial ta crisis di santonan, e la scirbi den Camino; y e santidad ta rekeri semper e compenetracion aki di oracion, trabou y apostolado cu ta denomina unidad di bida y di cual su propio conducta ta constitui e mihor testimonio.
E tawata profundamente convenci cu pa yega na e santidad den e trabou di tur dia, ta necesario pa forsa uno mes pa ta e alma di oracion, alma di vida interior profundo. Ora bo ta biba di e forma ei, tur cos ta oracion, tur cos por y mester hiba nos na Dios, alimentando e trato continuo ei cu n'E, for di mainta te anochi. Tur trabou por ta oracion, y tur trabou, cu ta oracion, ta apostolado.
E rais di e fecundidad prodigioso di su ministerio ta precisamente den e ardiente bida interior cu ta haci di San Hosemaria un persona contemplativo mei mei di e mundo: un bida interior alimenta pa e oracion y e sacramentonan, cu ta manifesta su mes den e amor apasiona pa e Eucaristia, den e profundidad cu cua e ta biba e Misa como e centro y raiz di su propio bida, den e tierno debocion na e Birgen Maria, na San Hose y na e Angelnan Wardado; den e fidelidad na e Iglesia y na e Papa.
E encuentro definitivo cu e Santisima Trinidad
Den e ultimo añanan di su bida, e Fundador di Opus Dei ta haci biahenan di catisashi pa masha hopi paisnan di Europa y di America Latina: na tur caminda, e ta mantene cantidadnan di reunionnan di formacion, simpel y familiar -ainda ora cu frecuencia ta asisti hopi hende pa scuch'e-, den cua e ta papia di Dios, di e sacramentonan, di e debocionnan cristian, di e santificacion di e trabou, di amor na e Iglesia y n'e Papa. Riba 28 di mart di 1975 ta celebra e hubileo sacerdotal. E dia ei su oracion ta manera un sintesis di tur su bida: Na e buelta di cincuenta aña, mi ta manera un mucha chikito cu ta ta purba papia: mi ta cuminsando, bolbe cuminsa, den mi lucha interior di cada hornada. Y asina, te na e final di e dianan cu ta keda mi: semper cuminsando di nobo.
Riba 26 di juni di 1975, merdia, San Hosemaria ta muri den su camber di trabou, a consecuencia di un ataca di curazon, na e pia di un cuadra di e Santisima Birgen na ken e ta dirigi su ultimo mirada. Den e momento ei, Opus Dei ta presente den e cinco continentenan, cu mas di 60.000 miembro di 80 nacionalidad. E obranan di spiritualidad di Mons. Escriva de Balaguer (Caminda, Santo Rosario, Conversacionnan cu Monseñor Escriva de Balaguer, Ta Cristo cu ta pasa, Amigonan di Dios, E Iglesia, nos Mama, Via Crucis, Surco, Forja) a keda difundi den mas di miyon di copia.
Despues di su fayecimento, un number grandi di fielnan ta pidi Papa pa habri su causa di canonizacion. Riba 17 di mei di 1992, na Roma, S.S. Huan Pablo II ta eleva Hosemaria Escriva na e altarnan, den una ceremonia multitudinaria di beatificacion. Riba 21 di september di 2001, e Congregacion Ordinario di Cardenalnan y Obisponan miembro di e Congregacion pa e Causanan di e Santonan, ta confirma unanimemente e caracter milagroso di un curacion y su atribucion na e Beato Hosemaria. E lectura di e relativo decreto tocante e milagro dilanti e Pontifice Romano, ta tuma lugar riba 20 di december. Riba 26 di februari di 2002, Huan Pablo II ta presidi e Consistorio Ordinario Publico di Cardenalnan y, despues di scucha e Cardenalnan, Arzobisponan y Obisponan presente, e ta stablece cu ta celebra e ceremonia di Canonizacion de San Hosemaria Escriva riba 6 di october di 2002.