Publicashonnan

CAPITULO DOS

E DESAROYO HUMANO

21.      Pablo VI tawata tin un vision articula di e desaroyo. Cu e termino «desaroyo» e kier a indica prome cu tur cos, e idea cu e pueblonan lo mester sali for di e hamber, e miseria, e enfermedadnan endemico y e analfabetismo. Desde di e punta di bista economico, esaki ta nifica su participacion activo y den condicionnan di igualdad den e proceso economico internacional; desde di punta di bista social, su evolucion riba e sociedadnan solidario y cu bon nivel di formacion; desde di e punta di bista politico, e consolidacion di regimennan democratico capaz di segura libertad y paz. Despues di tanto aña, mirando cu preocupacion e desaroyo y e perspectiva di e crisisnan cu ta sosode den e temponan aki, nos ta puntra nos mes te na ki punto a cumpli cu e espectativanan di Pablo VI siguiendo e modelo di desaroyo cu a adopta den e ultimo decadanan. Mientras tanto, nos ta reconoce cu e preocupacion di Iglesia tawata funda pa e capacidad di e hende bon na altura di tecnologia pa precisa obhetonan realista y por a cuestiona constantemente y adecuadamente e instrumentonan disponibel. E ganancia ta util si, como medio, por a orienta na un fin cu ta dun'e un sentido, tanto den e forma di hañ'e, con pa utiliz'e. E obhetivo exclusivo di e beneficio, ora e ta mal haña y sin e beneficio pa tur como ultimo fin, ta core e riesgo di destrui e rikesa y crea pobresa. E desaroyo economico cu Pablo VI tawata desea tawata esun cu ta produci un crecimento real, cu ta yega na tur y ta bon sostene. Ta berdad cu e desaroyo tawata y sigui di ta un factor positivo cu a saca mil y miyon di persona for di miseria y cu ultimamente, a duna hopi pais e posibilidad pa participa efectivamente den politica internacional. Sinembargo, mester reconoce cu e desaroyo economico mes tawata, y ainda ta mescos y cu hopi problemanan pa desviacion y problemanan dramatico, cu e crisis actual a haci cu ainda mas a keda manifesta. Esaki ta pone nos dilanti decisionnan cu no por ser pospone mas y cu cada bes mas ta afecta e destino di e mesun hende cua, entre otro, no por pasa sin su naturalesa. E forsa tecniconan cu ta move, e interrelacionnan planetario, e mal efectonan riba e economia real di un actividad financiero mal usa y pa un bon parti speculativo, e fluhonan migratorio masha grandi, hopi biaha provoca y despues sin haci tramitacion adecua, o e explotacion sin reglamento di e recursonan di e tera, ta hiba nos na reflexiona riba e medidanan necesario pa soluciona problemanan cu no solamente ta nobo pa loke cu ta trata loke cu Pablo VI a afronta, sino cu tambe, y mas cu tur, cu tin un efecto decisivo pa e presente y futuro di e humanidad. E aspectonan di e crisis y su solucionnan, mescos cu e posibilidad di un desaroyo nobo pa futuro, ta cada bes mas relaciona cu otro, nan tin mester di otro, nan mester forsanan nobo di comprension unitario y un sintesis humanista nobo. Ta hustamente e complehidad y e gravedad di e situacion economica actual, ta preocupa nos, pero nos mester asumi cu realismo, confiansa y speransa e responsabilidadnan nobo cu ta reclama nos e situacion di un mundo cu mester un profundo renobacion cultural y e redescubrimento di balornan di fondo riba cua por construi un mihor futuro. E crisis ta obliga nos revisa nos caminda, na duna nos mes reglanan nobo y haña formanan nobo di compromiso, pa apoya nos mes den e experiencianan positivo y pa rechasa esunnan negativo. Di e modo aki, e crisis ta cambia den ocasion di discerni y proyecta na un modo nobo. Ta cumbini pa enfrenta e dificultadnan di presente den e clave aki, na un manera confia mas resigna.

22.      Awendia, e cuadro di e desaroyo ta desplega su mes den multiple esfera. E actornan y e causanan, tanto den e subdesaroyo como den e desaroyo ta masha hopi, e culpanan y e meritonan ta hopi y diferente. Esaki mester yega na libera su mes di e ideologianan, cual cu frecuencia ta simplifica e realidad di manera artificioso, y ta samina cu obhetividad e dimension humano di e problemanan. Manera Huan Pablo II ya a señala [55], e liña di demarcacion entre e paisnan rico y pober awor, no ta asina precies mas manera den temponan di e Populorum progressio. E rikesa mundial ta crece den terminonan absoluto, pero e desigualdadnan tambe ta aumenta. Den e paisnan rico, categorianan nobo social ta bira pober y ta nace pobresanan nobo. Den e zonanan mas pober, algun grupo ta gosa di un tipo di superdesaroyo derochado y gastado, cu ta contrasta na un forma inaceptabel cu situacionnan persistente di miseria deshumanisador. «E scandal di e desigualdad cu ta haci daño» ta sigui produci [56]. Lamentabelmente, tin corupcion y ilegalidad tanto den comportamento di asuntonan economico y politico di e paisnan rico, nobo y antiguo, mescos cu den e paisnan pober. E falta di respet pa e derechonan humano di e trahadonan ta ser provoca tin ora dor di e empresanan grandi multinacional y tambe dor di gruponan di produccion local. E yudansanan internacional cu frecuencia ta desvia di nan finalidad dor di irresponsabilidad tanto den e donantenan como den e beneficiadonan. Nos por topa cu e mesun articulacion di responsabilidadnan tambe den e circulo di e causanan inmaterial o cultural di e desaroyo y e subdesaroyo. Tin formanan di mas di proteccion di e conocimentonan pa parti di e paisnan rico, pa medio di un trabou demasiado severo (streng) dor di e derecho na e propiedad intelectual, specialmente den e campo sanitario. Na e mesun tempo, den algun paisnan pober e modelonan cultural y normanan social di comportamento cu ta frena e proceso di desaroyo, si ta wanta.

23.      Awendia, hopi aerea di e planeta a desaroya, maske cu ta den forma problematico y desigual, drentando na forma parti di e grupo di e gran potencianan destina na hunga un papel importante den e futuro. Pero mester pone enfasis cu no ta sufuciente progresa solamente desde e punto di bista economico y tecnologico. E desaroyo mester ta prome cu tur cos autentico y integral. E salimento for di e atraso economico, algo riba su mes positivo, no ta soluciona e problema compleho di e promocion di e hende, ni den e paisnan protagonista di e adelantonan aki, ni den e paisnan economicamante ya desaroya, ni den esunnan cu te ainda ta pober, cual nan por sufri, ademas di e formanan antigua di explotacion, e consecuencianan negativo cu ta sali for di un crecimento marca pa desviacionnan y desequilibrionan.

Despues di e derumbe di e sistemanan economico y politico di e paisnan comunista di Europa Oriental y e fin di esnan yama «blokenan contrapuesto», lo mester tawata necesario un replanteamento total di e desaroyo. Huan Pablo II, kende den 1987 a indica cu e existencia di e «blokenan» tawata un di e principal causanan di e subdesaroyo, a pidi esaki [57], t'asina cu e politica tawata saca recursonan di e economia y di e cultura, y e ideologia tawata stroba e libertad. Den 1991, despues di e acontecimentonan di 1989, el a pidi tambe cu e fin di e blokenan mester coresponde na un modo nobo di proyecta globalmente e desaroyo, no solamente den e paisnan ei, sino tambe den Occidente y den e partinan di mundo cu nan tawata desaroyando [58]. Esaki a sosode solamente parcial, y ta sigui ta un deber pa logr'e, tal bes aprovechando precisamente e medidanan necesario pa supera e problemanan economico actual.

24.      E mundo cu Pablo VI tawata tin su dilanti, maske cu e proceso di socialisacion tawata avansando caba y por a papia di un cuestion social, cu a bira un echo mundial, tawata ainda hopi menos integra cu esun actual. E actividad economico y e funcion politico tawata move pa gran parti den e mesun circulo y por a conta, pa cuanto, esun cu e otro. E actividad productivo tawata sosode predominantemente den e circulonan nacional y e inversionnan financiero tawata circula di forma bastante limita cu e exatranhero, di manera cu e politica di hopi estadonan por a fiha ainda mas prioridadnan di e economia y, di algun modo, goberna su curso cu e instrumentonan cu e tin na su disposicion. Pa e motibo aki, e Populorum Progessio a asigna un papel central, maske no exclusivo, na e «podernan publico» [59].

Den nos epoca, e Estado ta hañ'e cu e deber di afronta e limitacionnan cu e contexto nobo economico-comercial y financiero internacional ta pone na su soberania, caracteriza tambe pa un creciente movilidad di e capitalnan financiero y e medionan di produccion material y inmaterial. E contexto nobo aki a modifica e poder politico di e estadonan. 

Awe, siñando tambe e les cu ta sali di e crisis economico actual, den cua e podernan publico di e Estado ta keda yama directamente pa coregi erornan y mal funcionamento, ta parce mas realista un baloracion renoba di su papel y di su poder, cu mester tawata reexamina y rebalorisa cu hopi sabiduria, di modo cu nan ta capaz pa enfrenta e desafionan di e mundo actual, incluso cu modalidadnan nobo pa haci nan. Cu un papel di e podernan publico miho considera, ta previsibel cu nan lo fortalece e formanan nobo di participacion den e politica nacional y internacional cu ta tuma lugar dor di e actuacion di e organisacionnan di e sociedad civil; den e sentido aki, ta di desea cu ta encontra mayor atencion y participacion bou di e res publica di parti di e ciudadanonan.

25.      Desde di e punto di bista social, na e sistemanan di proteccion y prevision, cu ya ta existi den temponan di Pablo VI den hopi paisnan, ta costa nan trabou, y ainda lo costanan mas den futuro, pa logra loke cu nan kier di e berdadero husticia social den un cuadro di forsa profundamente transforma. E mercado, haciendo su mes global, ta stimula, specialmente den paisnan rico, e buskeda di aereanan den cua por hinca e produccion na un costo abou cu e fin di reduci e preisnan di hopi mercancia, aumenta e poder di compra y mientras tanto acelera e indice di crecemento, centra den un gastamento mayor di e propio mercado interior. Di e forma aki, e mercado ta stimula formanan nobo di competencia entre e estadonan cu e fin di atrae centronan productivo di empresanan stranhero, adoptando diferente medidanan, manera un fiscalidad faborabel y e falta di reglamentacion di e mundo laboral. E procesonan aki a hiba na e reduccion di e red di seguridad social a cambio di e buskeda di mayor bentahanan competitivo riba e mercado global, cu peligernan grave pa e derechonan di e trahadonan, pa e derechonan fundamental di hende y pa e solidaridad den e formanan tradicional di e Estado social. E sistemanan di seguridad social por perde capacidad pa cumpli su tarea, tanto den e paisnan pober, como den e cuidadnan cu ta lantando, y tambe esnan cu ya ta desaroya desde hopi tempo. Den e punto aki, e politicanan cu tin balance, cu e cortamento di gasto social, cu frecuencia ta promove tambe pa e institucionnan financiero internacional, por laga e ciudadanonan impotente dilanti riesgonan antiguo y nobo; e impotencianan menciona ta aumenta pa falta di proteccion eficaz di parti di e asociacionnan di e trahadornan. E sistemanan di e cambionan social y economico ta haci cu e organizacionnan sindical tin mas hopi dificultad pa haci nan tarea di representacion di e interesnan di e trahadornan, tambe pasobra e gobiernonan, pa razonnan di utilidad economico, cada rato ta limita e libertad sindical o e capacidad di negociacion di e sindicatonan mes. E rednan di solidaridad tradicional ta haña nan obliga na supera obstaculonan mas grandi. Mientras tanto, e invitacion di e doctrina social di Iglesia, cuminsando pa e Rerum novarum [60], ta duna bida na asociacionnan di trahadornan pa defende nan propio derechonan cu mester ser respeta, awe mas cu ayera, dunando prome cu tur cos un contesta liher y cu preocupacion grandi pa e urgencia pa establece asociacionnan di varios organo nobo den e ramo internacional y local.

E movilidad laboral, asocia na e desregulacion generalisa, tawata un fenomeno importante, cu no ta liber di aspectonan positivo pasobra e ta stimula e produccion di rikesanan nobo y di e intercambio entre culturanan diferente. Sin embargo, ora e incertidumbre riba e condicionnan di trabou pa motibo di e mobilidad y e desregulacion ta ripiti su mes, ta surgi formanan di inestabilidad psicologico, di dificultad pa habri caminda cu continuidad den bida, inclui den e matrimonio. Como consecuencia, ta produci situacionnan di deterioro humano y di desperdicio social. Pa loke cu tawata sosode den e sociedad industrial di pasado, awendia e paro ta provoca formanan nobo di importancia economico, y e crisis actual solamente por haci un situacion asina bira pio. E asunto di keda sin trabou durante mucho tempo, o e dependencia hopi largo na e asistencia publico o priva, ta mina e libertad y e creatividad di e persona y su relacionnan familiar y social, cu dañonan grave den e plan psicologico y spiritual. Mi ta desea di recorda tur hende, especialmente na e gobernantenan cu ta ocupa den duna un aspecto renoba na ordo economico y social di mundo, cu e prome capital cu mester salvaguardia y balora ta e hende, e persona den su integridad: «pues e hende ta e autor, e centro y e fin di tur e bida economico-social» [61].

26.    Den e plan cultural, e diferencianan ta mas notabel cu den e epoca di Pablo VI. Den e epoca aya generalmente nan tawata bon defini y nan tawata tin mas posibilidad pa defensa dilanti e intentonan di haci nan mescos. Awendia, e posibilidadnan di interaccion entre e culturanan a aumenta notablemente, dunando lugar na perspectivanan nobo di dialogo intercultural, un dialogo cu, pa ta eficaz, mester tin como punto di salida un poco consenshi di e identidad specifico di diferente interlocutornan. Pero no mester lubida cu e mercantilizacion progresivo di e intercambionan cultural ta aumenta awendia un dobel riesgo. Por nota, den prome lugar, un eclecticismo cultural cu frecuencia acepta di manera critico: Ta pensa den e culturanan manera cu nan ta un ariba otro, sustancialmente di e mesun peso y cu nan por cambia cu otro. Esaki ta haci cu ta cai den un relativismo cu no ta yuda e dialogo intercultural berdadero den nada; den e plano social, e relativismo cultural ta provoca cu e gruponan cultural ta hunto o ta biba hunto, pero separa, sin dialogo autentico y, mientras tanto, sin un integracion berdadero. Ta existi, na di dos lugar, e peliger robes di rebaha e cultura y reconoce oficialmente e comportamentonan y estilonan di bida. Di e forma aki, ta perde e sentido profundo di e cultura di e diferente nacionnan, di e tradicionnan di e diferente pueblonan, den cua grupo e persona ta enfrenta e cuestionnan fundamental di e existencia [62]. E eclecticismo y e nivel abou cultural ta cumbini na separa e cultura for di e naturalesa humano. Asina e culturanan no por reconoce nan lugar den un naturalesa cu ta cambia nan [63], yegando na reduci e hende na un simpel dato cultural. Ora cu esaki sosode, e humanidad ta core riesgonan nobo di sometemento y manipulacion.

27.    Den hopi paisnan pober ta persisti, y ta menasa cu ta yama atencion, ariba e inseguridad extremo di bida, causa pa falta di alimentacion: e hamber ta causa ainda hopi victima entre tanto Lazaronan kendenan cu no ta ser permiti pa sinta na mesa di e rico «comelon», manera Pablo VI tawata desea [64]. Duna di come na e hambrientonan (cf. Mt 25,35.37.42) ta un deber etico pa e Iglesia universal, cu ta responde na e enseñansanan di su Fundador, e Señor Hesus, riba e solidaridad y e compartimento cu otro. Ademas, den e era di e globalisacion, elimina e hamber na mundo a comberti tambe den un meta cu mester logra pa salvaguardia e paz y stabilidad di e planeta. E hamber no ta depende tanto di e escasez material, o di e insuficiencia di e recursonan social, e mas importante di nan ta di e tipo institucional. Pues, falta un sistema di institucion economico capaz, tanto pa segura cu nan por tin aceso na awa y e cuminda na un modo regular y adecua desde e punto di bista, manera pa enfrenta e exigencianan relaciona cu e prome necesidadnan y cu e emergencianan di crisis di alimentacion real, provoca pa causa natural o pa e iresponsabilidad politico nacional y internacional. E problema di e inseguridad alimentaria mester ta plantea na un perspectiva di largo plazo, eliminando e causanan structural cu ta provoca nan y cu ta promove e desaroyo di agricultura di e paisnan mas pober pa medio di inversionnan den infrastructuranan rural, sistemanan di irrigacion, transporte, organisacion di e mercadonan, formacion y cambionan di tecnica di agricultura apropia, capaz pa utilisa di e mihor forma e recursonan humano, natural y socio-economico, cu por haña preferibelmente na e mesun lugar, pa segura asina tambe su mantencion na largo plazo. Tur esaki mester ser haci implicando e comunidadnan local den e opcionnan y decisionnan referente na e tera di cultivo. Den e perspectiva aki, por ta util pa tene na cuenta e fronteranan nobo cu a habri pa e uso corecto di e tecnica di produccion di agricultura tradicional, asina manera esunnan mas nobo, den e caso cu esakinan a ser reconoci, despues di un verificacion adecua, cu ta cumbini, cu ta bai cu e ambiente y atento na e poblacionnan cu no ta mas faboreci. Na mes momento, no mester descuida e cuestion di un reforma agraria neutral den e paisnan den desaroyo. E derecho di alimentacion y e awa, tin un papel importante pa haña otro derechonan, cuminsando prome cu tur cos, cu e prome derecho pa e bida. Mientras tanto, ta necesario cu un consenshi ta madura cu ta solidario cu ta considera e alimentacion y e acceso na e awa manera derechonan universal di tur e sernan humano, sin distincion ni discriminacion [65]. Ta importante pa destaca, ademas, cu e caminda di solidaridad rumbo pa e desaroyo di e paisnan pober por ta un proyecto di solucion pa e crisis global actual, manera cu politiconan a pensa den e ultimo temponan y responsabelnan di institucionan internacional. Apoyando e paisnan economicamente pober pa medio di plannan di financiamento inspira den e solidaridad, cu e fin cu nan mes por satisface e necesidadnan pa articulonan di consumo y desaroyo di e propio ciudadanonan, no solamente e por produci un berdadero crecimento economico, sino cu e por contribui tambe na sostene e capacidad productiva di e paisnan rico, cu ta core peliger di keda comprometi dor di e crisis.

28.    Un di e aspectonan mas destaca di e desaroyo actual ta e importancia di e tema di e respet pa e bida, cu di ningun forma por separa di e cuestionnan relaciona cu e desaroyo di e pueblonan. E ta un aspecto cu ultimamente ta cogiendo cada biaha mas importancia, obligando nos na amplia e concepto di pobresa [66] y di subdesaroyo na e problemanan cu ta vincula cu e aceptacion di bida, mas na unda cu por mira esaki stroba den diferente formanan.

E situacion di pobresa no solamente ta provoca ainda den hopi zonanan un indice halto di mortalidad infantil, sino cu den varios parti di mundo ta persisti practica di control demografico di parti di e gobiernonan, cu frecuencia ta extende e contracepcion y nan ta yega na impone e aborto. Den e paisnan economicamente mas desaroya, e leinan contrario na e bida ta masha hopi y nan a condiciona e custumbernan y e practica caba, contribuyendo na plama un mentalidad antinatalista, cu hopi biaha ta trata na transmiti tambe na otro estadonan manera cu ta un progreso cultural.

Algun organizacionnan no gubernamental, ademas, ta plama e aborto, tin biaha den e paisnan pober e adopcion di e practica di sterilizacion, incluso den muhenan na kendenan no ta pidi nan consentimento. Ariba dje ta existi e sospecho funda di cu, den ocasionnan, e ayudo na e desaroyo ta keda condiciona na determinado politica cu mesora ta implica e ponemento di un control fuerte di natalidad. E leinan ta preocupa hopi tambe cu mester acepta e eutanasia como e presion di gruponan nacional y internacional cu ta exigi su reconocimento hudicial.

E apertura na e bida ta den e centro di e berdadero desaroyo. Ora un sociedad ta cana rumbo pa e negacion y e dominio di e bida, e ta caba na no por haña e motivacion y e energia necesario pa esforsa su mes den e servicio di e berdadero bondad di e hende. Si ta perde e sensibilidad personal y social pa scohe un bida nobo, tambe ta marchita otro formanan di acogida probechoso pa e bida social [67]. E aceptamento di e bida ta lanta e energianan moral y capacita pa e ayudo mutuo. Propagandando e apertura na e bida, e pueblonan rico por compronde miho na e necesidadnan di esnan pober, evita empleonan cu ta rekeri hopi recursonan economico y intelectual pa satisface deseonan egoista entre e mesun ciudadanonan y promove, contrario na esaki, bon actuacionnan den e perspectiva di un produccion moralmente salud y solidario, denter di e respet di e derecho fundamental di cada pueblo y cada persona na e bida.

29.    Tin otro aspecto di e bida di awendia, hopi yega na e desaroyo: e negacion di e derecho na e libertad religioso. Mi no ta referi solamente na e luchanan y conflictonan cu ainda ta lanta den mundo pa motibo religioso, maske cu tin ora e religion ta solamente un capa pa razonnan di otro tipo, manera e afan pa poder y rikesa. Di berdad, awendia nan ta mata hopi biaha den e nomber sagrado di Dios, manera hopi biaha a ser manifesta y deplora publicamente na mi predecesor Huan Pablo II y mi mes [68]. E violencia ta frena e desaroyo autentico y ta impedi e evolucion di e pueblonan, rumbo pa un mayor bienestar socioeconomico y spiritual. Esaki ta sosode specialmente cu e terorismo di inspiracion fundamentalista [69], cu ta causa dolor, destruimento y morto, blokia e dialogo entre nacionnan y desvia recursonan grandi di su uso pacifico y civil. Asina mes, mester pone acerca cu, ademas di e fanatismo religioso cu ta impedi pa usa e derecho di e libertad di religion den algun ambiente, tambe e promocion programa di e indiferencia religioso o di e ateismo practico di parti di hopi paisnan cu ta resisti e necesidadnan di e desaroyo di e pueblonan, sacando e biennan spiritual y humano. Dios ta e garantia di e berdadero desaroyo di e hende pa loke cu a cre'e segun su imagen, a funda tambe su dignidad trascendente y ta alimenta su anhelo constitutivo pa «ta mas». E ser humano no ta un atomo perdi den un universo casual [70], sino un criatura di Dios, na ken E tawata kier a duna un alma inmortal y ken el a stima semper. Si e hende solamente tawata e fruto di cualke necesidad, o si el a reduci su aspiracionnan na horizonte smal di e situacionnan na unda e ta biba, si tur cos tawata unicamente historia y cultura, y e hende no tawatin un naturalesa destina na pasa pa un bida sobrenatural, por a papia di diferencia o di evolucion, pero no di desaroyo. Ora e Estado ta promove, siña, o tambe ta impone formanan di ateismo practico, e ta priva su ciudadanonan di e forsa moral y spiritual indispensabel pa compromete den e desaroyo humano integral y ta impedi nan di avansa cu un dinamismo renoba den su compromiso na fabor di un contesta humano mas generoso na e amor dibino [71]. Y tambe ta presenta e caso cu paisnan economicamente desaroya o cu awor ta bin ariba, ta exporta pa e paisnan pober, den e contexto di su relacionnan cultural, comercial y politico, e vision restringi aki di e persona y su destino. Esaki ta e daño cu e «superdesaroyo» [72] ta produci na desaroyo autentico, ora e ta compaña pa e «subdesaroyo moral» [73].

30.   Den e liña aki, e tema di e desaroyo humano integral ta haña un alcance ainda mas compleho: e corelacion entre su multiple elementonan ta exigi un esfuerso cu e diferente ambitonan di conocimento humano lo ta interactivo, cu bista na e promocion di un berdadero desaroyo di e pueblonan. Cu frecuencia, ta kere cu ta basta pa aplica e desaroyo o e medidanan socioeconomico corespondendiente mediante un actuacion comun. Sin embargo, e actuamento comun tin mester di ta orienta, pasobra «tur accion social ta implica un doctrina» [74]. Teniendo na cuenta e complehidad di e problemanan, ta obvio cu e diferente disciplinanan mester colabora den un total forma di disciplina ordena. E caridad no ta tene e conocimento afo, mas bien e ta exigie, e ta promov'e y e ta anim'e for di paden. E conocimento nunca ta solamente obra di e inteligencia. Sigur, cu e por reduci na calculo y experimentacion, pero si e kier ta sabiduria capaz pa orienta e hende pa e luz di e prome principionan y di su ultimo fin, e mester ta un poco «sazona» cu e «salu» di e caridad. Sin e conocimento, bo no por haci nada, y e conocimento ta steril sin e amor. Asina ta, «esun cu ta anima pa un caridad berdadero ta ingenioso pa descubri e causanan di miseria, pa haña e medionan pa combati nan cu maña» [75]. Ora cu ta enfrenta e fenomenonan cu nos tin nos dilanti, e caridad di berdad ta exigi prome cu tur cos pa conoce y compronde, consciente di y cu respet pa e competencia specifico di cada punto di e conocimento. E caridad no ta un cos cu a pega na dje despues, casi manera un apendix na e trabou cu ya a cla cu e diferente disciplinanan, sino cu e ta dialoga cu nan desde e principio. E exigencianan di e amor no ta contradeci esunnan di e razon. E conocimento humano ta suficiente y e conclusionnan di e ciencia lo no por indica nan so e camindanan pa e desaroyo integral di e hende. Semper mester lansa su mes mas aya: e caridad ta exigi esaki den e berdad [76]. Pero yega mas leu nunca ta nifica keda sin e conclusionnan di e razon, ni contradeci su resultadonan. No ta existi un inteligencia y despues e amor: ta existi e amor rico na inteligencia y e inteligencia yen di amor. 

31.    Esaki ta nifica cu e baloracion y e investigacion cientifico mester crece hunto, y cu e caridad mester anima nan den un conhunto interdisciplinario harmonico, traha di unidad y distincion. E doctrina social di e Iglesia, cu tin «un importante dimension interdisciplinario» [77], por desempeña den e perspectiva aki un funcion di eficacia extaordinario. Permiti e fe, pa e teologia, pa e metafisica y pa e ciencia pa haña su lugar den un colaboracion na servicio di e hende. E doctrina social di e Iglesia ta eherce specialmente den esaki su dimension sapiencial (di pensamento). Pablo VI a mira cu claridad cu un di e causanan di e subdesaroyo ta un falta di sabiduria, di reflexion, di pensamento capaz di elabora un sintesis cu ta orienta [78], y cu ta rekeri «un vision cla di tur e aspectonan economico, social, cultural y spiritual» [79]. E sectorizacion di mas di e conocimento [80], e union di e ciencianan humano na e metafisica [81], e dificultadnan di e dialogo entre e ciencianan y e teologia, no solo ta daña e desaroyo di e conocimento, sino tambe e desaroyo di e pueblonan, pues, ora esaki ta sosode, e ta obstaculisa e vision di e bienestar di e hende den e diferente dimensionnan cu ta caracteriza nan. Ta indispensabel «aumenta nos concepto di razon y di su uso» [82] pa aprecia adecuadamente tur e terminonan di e cuestion di e desaroyo y di e solucion di e problemanan socioeconomico.

32.    E novedadnan grandi cu ta presenta awendia den e cuadro di e desaroyo di e pueblonan ta trece cu ne den hopi casonan e exigencia di solucionnan nobo. Mester busca esaki y tambe, den e respet pa e leinan propio di cada cos y den luz di un vision integral di e hende cu ta refleha e diferente aspectonan di e persona humano, considera cu e mirada purifica dor di e caridad. Asina por descubri convergencianan singular y un posiblidad pa solucion concreto, sin renuncia na ningun componente fundamental di e bida humano.

E dignidad di e persona y e exigencianan di e husticia ta rekeri specialmente awendia, cu e opcionnan economico no ta fomenta aumento di e desigualdadnan mucho grandi y moralmente inaceptabel [83] y cu ta sigui busca como prioridad e obhetivo di e acceso na trabou di parti di tur hende, o nan ta mantene. Pensando riba esaki miho, e tambe ta un exigencia di «e razon economico» E aumento sistematico di e desigualdadnan entre gruponan social den e mesun pais y entre e poblacionnan di e diferente paisnan, kiermen, e aumento grandi di e pobresa relativo, no solamente e por daña e aceptacion social y, di e forma aki, e por pone e democracia den peligro, sino cu tambe e tin un impacto negativo den e plan economico dor di e gastamento sigui di e «capital social», kiermen, di e grupo di relacionnan di confiansa, fiabilidad y respet di e normanan, cu ta indispensabel den tur convivencia civil.

E ciencia economico ta bisa nos tambe, cu un situacion di inseguridad structural, ta pone cuminsamento antiproductivo y derochamento di recursonan humano, asina pronto cu e trahado yega na adapta su mes poco poco na e mecanismonan automatico, na lugar di duna espacio na creatividad. Tambe ariba e punto aki tin union entre ciencia economico y baloracion moral. Costo humano ta semper costo economico y loke cu no ta funcional ta comporta mescos cu e costo humano.

Ademas, mester corda cu rebahamento di cultura na e dimension tecnologico, maske e por faborece e ricibimento di beneficionan na corto plazo, riba un termino largo e lo obstaculisa e enriquecemento di tur dos y e dinamicanan di e colaboracion. Ta importante pa distingui entre consideracionnan economico o sociologico na corto y largo plazo. Reduci e nivel di cuido di e derechonan di e trahadornan y renuncia e mecanismonan di redistribucion di e interes cu e fin di cu e pais lo haña mas hopi forma pa competi internacionalmente, ta impedi pa consolida un desaroyo duradero. Mientras tanto, mester balora cu hopi cuidou e consecuencianan cu e tendencianan actual rumbo pa un economia di un duracion na corto plazo, hopi biaha masha cortico, ariba e hendenan. Esaki ta exigi «un reflexion nobo y mas profundo riba e sentido di e economia y su consecuencianan» [84], ademas di un revision profundo cu espacio pa mira e modelo di desaroyo, pa por coregi su disfuncionnan y desviacionnan. E ta exigi, di berdad, e estado di salud ecologico di e planeta; ta rekeri prome cu tur cos e crisis cultural y moral di e hende, di ken e sintomanan ta evidente tur caminda na mundo desde hopi tempo caba.

33.   Mas di cuarenta aña despues di e Populorum progressio, su argumento di fondo, e progreso, ta sigui ta ainda un problema habri, a bira mas skerpi y urgente dor di e crisis economico-financiero cu e ta produci. Maske cu algun zonanan di e planeta cu ta sufri e pobresa a experimenta cambionan notabel riba termino di crecimento economico y participacion den e produccion mundial, otronan ainda ta den un situacion di miseria compara na loke cu tawatin den temponan di Pablo VI y, den algun caso, por bisa cu pior. Ta nifica hopi cu algun causanan di e situacion aki ya a ser señala den e Populorum progressio, manera p.e. e tarifanan halto di belasting (impuesto) di aduana pa paisnan economicamente desaroya, cu ainda ta impedi productonan procedente di paisnan pober di yega na mercadonan rico. En cambio, otro causanan cu e Enciclica solamente a indica riba-riba, a haña despues un atencion mas grandi. Esaki ta e caso di e baloracion di e proceso di descolonizacion, pa e tempo den pleno desaroyo. Pablo VI tawata desea un itinerario (schedule) autonomo cu lo cana den paz y libertad. Despues di mas di cuarenta aña, nos mester reconoce con dificil e recorido aki lo tawata, tanto pa e formanan nobo di colonialismo y dependencia di paisnan cu hegemonia, manera dor di irreponsabilidadnan grave interno den e propio paisnan cu a independisa nan mes.

E novedad principal tawata e grito di e independencia planetaria, cu comunmente tawata globalizacion. Pablo VI a premira esaki parcialmente, pero ta sorprendente e alcance y e energia di e momento di su influencia. E proceso aki, cu a cuminsa den e paisnan economicamente desaroya, a implica pa su naturalesa, tur e economianan. E tawata e motor principal pa tur e regionnan supera e subdesaroyo y e ta, di mes, un gran oportunidad. Sin embargo, sin e guia di e caridad y berdad, e impulso planetario aki por contribui na crea riesgo di daño te cu awor desconoci y divisionnan nobo den famia humano. P'esei, e caridad y e berdad ta plantea nos un compromiso sin precendente y creativo, sigur grandi y abarcando hopi cos. Ta trata di hancha e razon y hacie capaz di conoce y orienta e dinamicanan imponente nobo, animando nan den e perspectiva di e «civilizacon di amor», di cua Dios a pone e simiya den cada pueblo y den cada cultura.

pa bay siguiente >>