Parokia Santa Teresita di Niño Hesus
tel.: (297) 584 5118; fax: 584 3196
San Nicolas, Theresiaplein 8
Funda: 1929
Fiesta Patronal: 1 di oktober.
ORNANAN DI OFICINA
Diamars pa Diabierna: 8'or - 9'or di mainta y 7:30 - 8:30 anochi
No tin oficina riba Diasabra, Diadomingo y Dialuna
PAROKIA SU SIRBISHINAN RELIGIOSO
ORARIONAN DI SANTO SACRIFICIO DI MISA
DEN SIMAN: Diamars pa Diabierna na Misa Sta. Teresita - 6:30 p.m.
DURANTE WEEK-END: Diasabra na Kapel Emanuel - 7'or p.m.,
Diadomingo na Misa Sta. Teresita - 8:30 a.m. y 6:30 p.m.
SANTA MISA PA MUCHANAN Y HOBENNAN:
Cada e di 2 y e di 4 Diasabra di luna - 4:00 p.m. na Misa Sta. Teresita
SANTA MISA NA IDIOMA INGLES:
Cada prome y e di 3 Diadomingo di luna - 11:00 a.m. na Misa Sta. Teresita
SANTA MISA NA CAS DI ANCIANO SAN NICOLAS:
Cada e di 2 Diamars di luna - 10:30 a.m.
SANTA MISA NA GOTE DI LOURDES:
Cada prome Diasabra di luna - 8:30 a.m.
DEBOCION DI PROME DIABIERNA CU SANTA MISA:
Prome Diabierna di luna na Misa Sta. Teresita - 6:30 p.m.
ADORACION DILANTI SANTISIMO DI ALTAR:
Cada prome Diasabra di luna na Cas di Oracion di Birgen Maria - 6:00 - 7:00 a.m.
DEBOCION DI PROME DIASABRA CU SANTA MISA:
Prome Diasabra di luna na Cas di Oracion di Birgen Maria - 7:00 p.m.
SACRAMENTO DI BAUTISMO:
CADA E DI 2 Y E DI 4 DIADOMINGO DI LUNA - 10'r di mainta.
LES DI PREPARACION : cada prome Diasabra di luna - 8'or pa 10'or di anochi
Tur esnan cu ta desea nan yiunan batisa mester inscribi alomenos un luna prome. Mama of tata mester presenta durante inscripcion. Ta sugeri fuertemente cu padrino y madrina mester ta presente durante inscripcion pasobra nan tin propio formulario pa yena tambe. Mester bin cu e siguiente documantonan: (1). Trouwboekje of algo similar, manera cualkier documento di casamento (2). Acto di nacemento di yiu, particularmente e documento "burgerlijke stand uittreksel uit het geboortenregister. Dor di esei ta constata cu e tata ta reconoce su yiu. (3). Certificado di confirmacion di padrino y madrina pasobra ta exigi cu nan mester ta batisa y confirma. (4). Si ta di otro parokia, por respeto, mester pidi permiso den scrito for di Pastor di Parokia concerni. No ta acepta mas cu un padrino y madrina. Ta preferibel mester bin cu tur e documentonan aki'riba menciona riba dia di inscripcion.
No ta permiti esnan cu no ta Catolico (protestant y otro denominacion of secta) pa para padrino ni madrina. Si nan por ta presente solamento como testigo.
SACRAMENTO DI CONFIRMACION:
Normalmente dia di Confirmacion semper ta na luna di November. Inscripcion ta cuminsa luna di Januari. Lo siguiente ta e exigencianan di Confirmacion: (1). Mama of tata mester bin personalmente pa inscripcion. Ta preferibel bin cu e mucha cu ta bai confirma. (2). Mester bin cu certificado di Bautismo di mucha. (3). Ta sugeri fuertemente cu padrino of madrina mester presenta pasobra nan tambe tin propio formulario pa yena. Nan mester bin cu certificado di confirmacion pasobra ta exigi cu nan mester batisa y confirma. (4). Si ta di otro parokia, por respeto, mester pidi permiso for di Pastor di Parokia concerni. (5). No ta permiti pa para padrino of madrina esnan cu no ta Catolico; kiermen, esunnan cu ta pertenece na otro religion of secta y/of di e asosacionnan cu ta contra Iglesia Catolico Romano.
SACRAMENTO DI MATRIMONIO SANTO:
Alomenos e inscripcion ta 6 luna prome cu dia di casamento. E pareha mester bin personalmente pa inscripcion y interogation personal di Pastor di Parokia. Pa e casamento tuma luga na parokia Sta. Teresita, alomenos un di e pareha (sea e novia of novia) necesariamente ta habitante di paroka aki. Den casonan normal, novio y novia mester ta Catolico, batisa y confirma. Nan mester asisti "Encuentro di Novios y Novias" y "Encuentro Matrimonial" na Centro Pastoral Aruba cerca padernan di Congregacion San Dominico.
Den casonan fuera di normal (matrimonio mixto of "diferencia di culto") e parti Catolico mester ta batisa y confirma. Y e parti no Catolico mester pidi despensacion matrimonial cerca e Vicario Episcopal, Pastor Daniel Szpila, CSMA.
SACRAMENTO DI CONFESION:
Segun exigencia di Mama Iglesia, tur hende Catolico mester acerca e Sacramento di Confesion alomenos un bes pa aña. Mester cumpli cu esei sea den temporada di Advent of Cuaresma. Ma esaki no ta nifica cu mester warda aña pasa siendo cu e hende ta consciente cu e ta den estado di pica mortal. Mas pronto posibel mestr busca tur manera pa confesa cerca un sacerdote.
30 minuut prome cu Santa Misa di 8:30 a.m. por acerca e pastor cu ta na turno pa haci misa.
30 minuut prome cu Santa Misa di 6:30 p.m. por acerca e pastor cu ta na turno pa haci misa.
Tambe por haci cita.
SACRAMENTO DI ENFERMO:
Esnan cu ta cuida e grandinan y hendenan malo, ta nan obligacion moral pa yama sacerdotenan pa nan administra e Sacamento di Enfermonan pa nan serkeri. Por haci cita dor di yama na telefon of bin personalmente na pastorie pa un cita.
E mentalidad robes di hendenan mal informa, cu Sacramento di Enfermo ta pa hendenan muriendo, ta duna e Sacramento aki un mal impresion. Sacramento di Enfermo ta duna foretalesa pa hendenan malo y e gracia sacramental cu e ta duna pa e pesona, hopi bes ta haci e enfermo recupera for di su malesa.
SIRBISHI PARA-LITURGICO DI RESPONS DI ENTIERO:
Ta requiri pa e famia di difunto pa tuma contacto na oficina pa haci cita pa e dia di entiero. Alomenos un miembro di famia of su representante mester bin personalmente pa inscribi e difunto pa entiero. E famia mester cumpli cu e reglanan cu e Comision Santana Catolico Santa Teresita ta stipula.
Belorio den misa ta cuminsa 2'or pa 4:00 di atardi. Durante e periodo aki, e famia ta tuma condolencia di e hendenan y e sirbishi necrologico por tuma luga. Respons di entiero ta cuminsa net 4'or di atardi.